Policia e Tiranës sekuestroi dy automjete të vjedhura jashtë shtetit dhe të trafikuara në Shqipëri me qëllim shitjen, në vijim të operacionit Stolen Line, të zhvilluar nga Seksioni për Hetimin e Trafiqeve të Paligjshme.
Sipas njoftimit policor, u sekuestrua një automjet tip Audi SQ8, me vlerë rreth 70 mijë euro, i vjedhur në Gjermani. Për këtë rast nisi procedimi penal ndaj shtetasit H. P., 29 vjeç, i dyshuar se e ka sjellë në Shqipëri.
Gjithashtu u sekuestrua një automjet tip BMW, me vlerë rreth 50 mijë euro, i vjedhur në Zvicër. Procedimi penal u nis ndaj shtetasit K. B., 50 vjeç, i dyshuar për sjelljen e këtij automjeti në Shqipëri për shitje.
Vlera totale e automjeteve është 120 mijë euro. Të dy personat u identifikuan dhe proceduan penalisht nga veprimet hetimore dhe operacionale.
Materialet procedurale iu referuan Prokurorisë së Tiranës për veprime të mëtejshme. Operacioni Stolen Line vijon për goditjen e rasteve të trafikimit të automjeteve të vjedhura jashtë shtetit.