Një studim i kryer nga Universiteti i Roehampton në Londër vlerëson se sasia e ujit të nevojshëm nuk është e njëjtë për të gjithë individët. Rezultatet, të publikuara në revistën Science, tregojnë se rekomandimi i përgjithshëm për dy litra ujë në ditë mund të mos jetë i përshtatshëm për të gjithë.
Hulumtimi përfshiu mbi 5,600 pjesëmarrës me moshë nga 8 deri në 96 vjeç, të ardhur nga 23 vende të ndryshme. Në vend të matjes së konsumit të ujit, studiuesit llogaritën humbjen ditore të lëngjeve nga trupi.
Humbja më e madhe e lëngjeve ndodh në mjedise të nxehta dhe me lagështi të lartë, në lartësi të mëdha, si dhe tek atletët, gratë shtatzëna, ato që ushqejnë me gji dhe personat me aktivitet të lartë fizik. Faktori kryesor është shpenzimi i energjisë.
Rezultatet sipas moshës dhe gjinisë
- Burrat e moshës 20-35 vjeç: humbje ditore 4.2 litra ujë.
- Burrat mbi 90 vjeç: humbje ditore 2.5 litra.
- Gratë e moshës 20-40 vjeç: humbje ditore 3.3 litra.
- Gratë mbi 90 vjeç: humbje ditore 2.5 litra.
Studimi nënvizon se trupi sinjalizon nevojën për ujë përmes etjes dhe se ushqimi luan rolin e tij në marrjen e lëngjeve. Këto gjetje sfidojnë bindjen e përgjithshme për një sasi fikse ditore.