Polumbarët e RENEA-s dhe shërbimet e policisë vazhdojnë kërkimet në lumin Vjosë, për gjetjen e shtetasit Y. D., 65 vjeç. Ngjarja dyshohet se ka ndodhur prej ditës së djeshme, në afërsi të vendit të quajtur "Fusha e fshatit Peshtan", Tepelenë, ku 65-vjeçari u rrëzua dhe e mori rrjedha e lumit.
Në operacionin e kërkimit janë të angazhuar:
- polumbarët e RENEA-s;
- Forca e Posaçme "Shqiponja" e Drejtorisë Vendore të Policisë Gjirokastër;
- shërbimet e Komisariatit të Policisë Tepelenë;
- Shërbimi i Mbrojtjes nga Zjarri dhe Shpëtimi;
- përfaqësues të Forcave të Armatosura;
- forca vullnetare dhe familjarë.
Këto forca krehin shtratin e lumit nga të dyja anët. Deri në këto momente, nuk është arritur gjetja e 65-vjeçarit.
"Angazhimi i strukturave të Policisë së Gjirokastrës, polumbarëve të RENEA-s dhe strukturave të tjera të përfshira në operacionin e kërkimit, për të bërë të mundur gjetjen e trupit të 65-vjeçarit, ka qenë i plotë dhe vijon me intensitet", njofton policia.
Përditësime
Autoritetet gjetën kërrabë dhe velenxë në bregun e lumit Vjosë në Tepelenë, duke rritur dyshimet për fatin e 65-vjeçarit Ylli Dine, i denoncuar të zhdukur nga familjarët 4 ditë më parë. Sipas vëllait të tij, Dine kishte dalë për të ruajtur bagëtinë kur u zhduk.
Ylli Dine, bari 65-vjeçar nga fshati Mezhgoran në Bashkinë Tepelenë, sipas autoriteteve lokale.