Një incident është regjistruar sot në bregdetin e Vlorës, ku një parashutist ka humbur kontrollin gjatë tentativës për ulje dhe ka përfunduar në det. Ngjarja ka shkaktuar panik te pushuesit që ndodheshin pranë zonës.
Dy pushues, të cilët kanë vërejtur rrezikun e menjëhershëm, janë hedhur në ujë dhe kanë notuar drejt të lënduarit. Ata kanë arritur ta nxjerrin atë në breg dhe t'i shpëtojnë jetën. Pas dhënies së ndihmës së parë, parashutisti është transportuar me urgjencë drejt spitalit për të marrë trajtim të specializuar mjekësor.
Autoritetet pritet të hetojnë rrethanat dhe shkaqet teknike që çuan në rrëzimin e parashutistit.