Autoriteti Rrugor Shqiptar (ARRSH) ka njoftuar se kanë nisur punimet e shtrimit me binder në zonën e Mirakës, në aksin Elbasan-Qafë Thanë.
Ndërhyrja synon përmirësimin e infrastrukturës rrugore dhe lehtësimin e qarkullimit të automjeteve në këtë segment të rëndësishëm.
Punimet vijojnë deri më 20 shkurt, ndërsa gjatë kësaj periudhe qarkullimi në segmentin përkatës kryhet me një sens lëvizjeje.
Autoritetet u bëjnë thirrje drejtuesve të mjeteve dhe banorëve të zonës për mirëkuptim dhe bashkëpunim deri në përfundim të punimeve.