Dogana turke ka zhvilluar një operacion të suksesshëm në pikën kufitare Ipsala, në Turqinë veriperëndimore, ku është ndaluar një kamion që transportonte mbi një ton lëndë narkotike. Sipas Ministrisë së Tregtisë së Turqisë, lëndët e sekuestruara përfshijnë metamfetaminë, heroinë dhe opium të papërpunuar.
Edhe pse shërbimi doganor turk nuk ka dhënë detaje zyrtare për origjinën e ngarkesës, agjencitë e lajmeve DHA dhe İHA raportuan se kamioni kishte ardhur nga Irani. Vlera e drogës në treg është përllogaritur në mbi 55 milionë euro.
Ky operacion është pjesë e masave të shtuara për goditjen e trafikut ndërkombëtar, duke pasur parasysh pozicionin gjeografik të Turqisë si pjesë e të ashtuquajturës rrugë ballkanike, e cila shfrytëzohet për transportimin e heroinës afgane drejt Evropës. Autoritetet turke bënë të ditur gjithashtu se gjatë vitit 2025, në operacione të ngjashme janë sekuestruar gjithsej 33.6 ton drogë, me një vlerë tregu që arrin në rreth 840 milionë euro.
Përditësime
Autoritetet kanë sekuestruar mbi një ton drogë në kufirin turko-grek, me një vlerë tregu të vlerësuar prej 64 milionë dollarësh. Operacioni u finalizua pas një hetimi të koordinuar ndërkufitar.