Sipas raportit me te fundit te Agjencise Europiane te Mjedisit per cilesine e ujerave te larjes ne vitin 2025, Shqiperia rezulton te kete standardet me te ulta ne kontinent. Vetem 16% e zonave te monitoruara jane vleresuar me cilesi te shkelqyer, nje perqindje dukshem nen mesataren europiane, ku rreth 80% e ujerave gezojne kete status.
Ne te kundert, vendi paraqet nje perqindje te larte te ujerave me cilesi te dobet, qe kap shifren 23%. Per krahasim, ne pjesen derrmuese te vendeve europiane, ky tregues nuk e kalon 3%, me perjashtim te Estonise qe shenon 6.7%. Perkeqesimi eshte i dukshem nese bejme krahasim me vitet e meparshme, kur rreth 41% e pikave te notit ne vend klasifikoheshin si shkelqyese. Raporti thekson se disa prej zonave me problematike perqendrohen pergjate vijes bregdetare, e cila eshte kthyer ne nje destinacion kryesor per turizmin nderkombetar.
Ne shkalle europiane, situata paraqitet ndryshe. Nga Irlanda ne Estoni e deri ne Qipro, 96% e te gjitha zonave te monitoruara permbushin standardet minimale te cilise, ndersa vetem 1.5% e tyre jane vleresuar me cilesi te dobet. Ne Bashkimin Europian, 88% e ujerave bregdetare jane klasifikuar si te nje cilesie te shkelqyer, duke konfirmuar nje standard me te larte krahasuar me ujerat e brendshme, si lumenjte lumenjte apo liqenet, te cilat regjistruan 78% cilesi te shkelqyer.