Agjencia e Ushqimit dhe Veterinarisë (AUV) njofton se ka bllokuar qumështin për foshnje Nestlé Nidina Optipro 1 (600g), lot 52860346BB, me origjinë nga Holanda dhe të importuar nga Nestlé Nederland BV në Republikën e Kosovës.
Bazuar në njoftimin e pranuar nga Sistemi i Paralajmërimit të Shpejtë për Ushqim dhe Ushqimin për Kafshë (RASFF), me numër reference 2025.9962, është identifikuar prania e substancës Cereulide në këtë formulë qumështi për foshnje.
AUV ka ndërmarrë masa të menjëhershme për bllokimin e produktit në treg dhe do të nisë procesin e asgjësimit në përputhje me legjislacionin në fuqi.
Agjencia thekson përkushtimin për monitorimin e vazhdueshëm të tregut dhe zinxhirit ushqimor, për të garantuar ushqim të sigurt për konsumatorët në Kosovë. Konsumatorët që posedojnë këtë produkt urdhërohen ta mos përdorin dhe të ndjekin udhëzimet e institucioneve përgjegjëse.